Virupaksha Movie Review In Telugu
- విడుదల తేదీ : ఏప్రిల్ 21, 2023
- నటీనటులు: సాయి ధరమ్ తేజ్, సంయుక్త మీనన్, బ్రహ్మాజీ, రాజీవ్ కనకాల, అజయ్, సునీల్ తదితరులు
- దర్శకులు : కార్తీక్ దండు
- నిర్మాతలు: బివిఎస్ఎన్ ప్రసాద్
- సంగీత దర్శకులు: అజనీష్ లోక్‌నాథ్
- సినిమాటోగ్రఫీ: శామ్‌దత్ సైనుద్దీన్
- ఎడిటర్: నవీన్ నూలి
సాయి ధరమ్ తేజ్ హీరోగా సంయుక్త మీనన్ హీరోయిన్ గా కార్తీక్ దండు ద‌ర్శ‌కత్వంలో వ‌చ్చిన ఇంట్రెస్టింగ్ థ్రిల్లర్ “విరూపాక్ష”. చిత్రం శుక్ర‌వారం ప్రేక్ష‌కుల ముందుకు వ‌చ్చింది. మరి ఇది ప్రేక్షకులును ఏ మేరకు మెప్పించిందో ఇప్పుడు తెలుసుకుందాం !
కథ :
రుద్రవనం అనే గ్రామంలో క్షుద్రపూజలు చేస్తున్నారని ఒక కుటుంబాన్ని ఆ గ్రామ ప్రజలు చంపేస్తారు. ఆ జంట తమ కుమారుడ్ని ఆ ఊరు నుంచి పంపించేస్తారు. ఈ ఘ‌ట‌న జరిగిన పుష్కర కాలం తర్వాత సూర్య (సాయి ధరమ్ తేజ్) తన తల్లితో పాటు రుద్రవనం వస్తాడు. రుద్రవనం తన తల్లి స్వ‌గ్రామం కావడంతో.. ఆ ఊరుతో సూర్యకి అనుబంధం ఉంటుంది. ఈ క్రమంలో జరిగిన నాటకీయ పరిణామాల మధ్య నందిని (సంయుక్త మీనన్)తో సూర్య ల‌వ్‌లో పడతాడు. ఆమె ప్రేమ పొందేందుకు సూర్య ప్ర‌య‌త్నిస్తూ ఉంటాడు. మరోవైపు రుద్రవనంలో వరుసగా మనుషులు చనిపోతూ ఉండ‌డంతో ఊరు మొత్తం భయంతో వణికపోతుంది. అసలు ఎందుకు మనుషులు చనిపోతున్నారు ?, వారి మ‌ర‌ణాల వెనుక ఉన్న రహస్యం ఏమిటి ?, ఈ మిస్టరీని సూర్య ఎలా ఛేధించాడు. ?, చివరకు ఏం జరిగింది? అనేది మిగిలిన కథ.
ప్లస్ పాయింట్స్ :
ఈ సినిమాకి మెయిన్ ప్లస్ పాయింట్ దర్శకుడు కార్తీక్ దండు రాసుకున్నకథ. అలాగే ఈ కథను తెరపై అద్భుతంగా ఆవిష్క‌రించాడు. ఇక నటీనటుల విషయానికి వస్తే.. సాయి ధరమ్ తేజ్ పాత్ర చాలా బాగుంది. సూర్య పాత్రలో సాయి ధరమ్ తేజ్ చక్కగా ఒదిగిపోయాడు. కొన్ని థ్రిల్లర్ సన్నివేశాల్లో తన రియలిస్టిక్ యాక్టింగ్ తో మెస్మ‌రైజ్ చేశాడు. ముఖ్యంగా ద్వితియార్థంలో సాగే కొన్ని యాక్షన్ సన్నివేశాలు, అలాగే ప్రీ క్లైమాక్స్ లో వచ్చే కీలక సీన్స్ లో సాయి తేజ్ నటన బాగుంది.
ఈ సినిమాలో మరో ప్రధాన పాత్రలో నటించిన సంయుక్త మీనన్ కూడా తన నటనతో ఆకట్టుకుంది. కొన్ని హారర్ సన్నివేశాల్లో ఆమె తన పెర్ఫార్మెన్స్ తో మెప్పించింది. మరో కీలక పాత్రలో నటించిన రాజీవ్ కనకాల కూడా బాగా నటించారు. బ్రహ్మాజీ, అజయ్, సునీల్, మిగిలిన నటీనటులు కూడా తమ పాత్రల‌ను చక్కగా పోషించారు. దర్శకుడు కార్తీక్ కథలో ఉన్న సస్పెన్స్ ని బాగా మెయింటైన్ చేసాడు. పైగా హారర్ సీన్స్ ను కూడా చాలా బాగా పిక్చరైజ్ చేసాడు.
అయితే పీరియాడిక్ యాక్షన్ థ్రిల్లర్ నేపథ్యంలో రూపొందంటమే ఈ సినిమాకు ప్రధాన బలం. దర్శకుడు రాసుకున్న కొన్ని కీలక సన్నివేశాలు కూడా ప్రత్యేక ఆకర్షణగా నిలుస్తాయి. ఈ సినిమాలోని విజువల్స్ అండ్ సౌండ్ ఎఫెక్ట్స్ బాగున్నాయి. ప్రీ ఇంటర్వెల్ నుంచి కథ ఊహించని టర్న్ తీసుకోవడం, మెయిన్ విలన్ ను ఎవరూ ఊహించని విధంగా డిజైన్ చేయడం ఆస‌క్తిరేపుతుంది. Virupaksha Movie Review In Telugu
మైనస్ పాయింట్స్ :
ఈ సినిమాలోని రొమాంటిక్ సన్నివేశాలు ఇంకా బెటర్ గా ఉండి ఉంటే బాగుండేది. చాలా లాజికల్ పాయింట్స్ ని పర్ఫెక్ట్ గా రివీల్ చేసిన డైరెక్టర్ కొన్నిటిని మాత్రం ఇన్ డైరెక్ట్ గా చాలా సింపుల్ గా చూపించి వదిలేశాడు. అలాగే కీలకమైన సన్నివేశాలను బాగా రాసుకున్నప్పటికీ. త‌క్కిన సన్నివేశాల్లో ముఖ్యంగా సెకండ్ హాఫ్ మధ్యలో వచ్చే కొన్ని సీన్స్ ను ఇంకా ఆసక్తికరంగా తీసి ఉంటే బాగుండేది.
సినిమా చూస్తున్నంతసేపు తర్వాత ఏం జరుగుతుంది ?, హీరో ఆ చావుల రహస్యాన్ని ఎలా కనిపెడతాడు?, ఆ ఊరుని ఎలా కాపాడతాడు ? అనే ఉత్కంఠ ప్రేక్షకుల్లో కలిగించారు. కాకుంటే క్లైమాక్స్ కి ముందు వచ్చే సీక్వెన్స్ లను ఇంకా బెటర్ గా చూపించే స్కోప్ ఉంది. ఇంకా క్లారిటీగా చూపించి ఉండాల్సింది. అలాగే హీరోయిన్ పాత్రకు – రాజీవ్ కనకాల పాత్రకు మధ్య ట్రాక్ ను కూడా ఇంకా బలంగా రాసుకోవాల్సింది.
సాంకేతిక విభాగం :
మంచి కథా నేపధ్యాన్ని తీసుకోవడంలో సక్సెస్ అయిన దర్శకుడు కార్తీక్ దండు, కొన్ని చోట్ల ఉత్కంఠభరితమైన సీన్స్ రాసుకోవడంలో మాత్రం కొన్ని చోట్ల తడబడ్డాడు. కానీ ఆయన రూపొందించిన సన్నివేశాలు ఆకట్టుకున్నాయి. సంగీత దర్శకుడు అజనీష్ లోక్‌నాథ్ సంగీతం బాగుంది. సినిమాటోగ్రఫీ వర్క్ సినిమాకే ప్రత్యేక ఆకర్షణగా నిలుస్తోంది. ఎడిటింగ్ కూడా బాగుంది. ఇక దర్శకుడు ఆలోచనను నమ్మి ఇలాంటి వైవిధ్యమైన చిత్రాన్ని తెలుగు ప్రేక్షకులకు అందించింనందుకు నిర్మాతను అభినందించాలి. నిర్మాత బివిఎస్ఎన్ ప్రసాద్ నిర్మాణ విలువులు కూడా చాలా బాగున్నాయి.