17రోజుల్లోనే 1.01కోట్ల బీర్ల అమ్మకాలు
మద్యం అమ్మకాలు, బీర్ల వినియోగంలో తెలంగాణ మరోసారి తన జోష్ చూపించింది. మండే ఎండల్లో తెలంగాణలో బీర్ వినియోగం విపరీతంగా పెరిగిపోయింది. ఎక్సైజ్ శాఖ విడుదల చేసిన గణాంకాలు ఇదే విషయాన్ని వెల్లడించింది. వీటిలో ఆస‌క్తిక‌ర‌మైన విష‌య‌మేంటంటే ఏప్రిల్ 1వ తేదీ నుంచి 17వ తేదీ వరకు కేవ‌లం ఒక్క హైదరాబాద్ లోనే 1.01 కోట్ల బీర్లు తాగేశారు భాగ్య‌న‌గ‌ర‌వాసులు.beers sales
తెలంగాణలో కొద్ది రోజులుగా ఎండలు మండిపోతున్నాయి. దీంతో అదేస్థాయిలో బీర్ల అమ్మకాలు ఊపందుకున్నాయి. రెగ్యులర్ గా మద్యం తాగే వారు కూడా బీర్లు తాగడానికి ఆసక్తి చూపిస్తున్నారనేది ఈ గణాంకాలు చూస్తే అర్థమ‌వుతోంది.
గ్రేటర్ హైదరాబాద్ పరిధిలోని 3 జిల్లాల్లో కలిపి ఈ 17 రోజుల్లో 8,46,175 కేసుల బీర్లు విక్ర‌యించారు. ఈనెల ఆరంభం నుంచి ప్రతీ రోజూ హైదరాబాద్, మేడ్చల్, రంగారెడ్డి జిల్లాల్లో సగటున 6 లక్షల బీర్లు అమ్ముడుపోతున్నాయి.
నిజానికి ఈ పెరుగుల మార్చి నుంచే మొదలైంది. ఆ నెలలో హైదరాబాద్ లో దాదాపు 2 లక్షల కేసులు,, రంగారెడ్డిలో 5.50 లక్షల కేసులు.. మేడ్చల్ లో 92వేలకు పైగా బీర్ కేసులు సేల్ అయ్యాయి.
న్యూ ఇయర్ సందర్భంగా ఏటా తెలంగాణ ఎక్సైజ్ శాఖకు భారీగా ఆదాయం వ‌స్తుంది. అలా డిసెంబర్ చివరి వారం, జనవరి 1,2,3 తేదీల్లో భారీగా ఆదాయం ఆర్జించింది. అదే స్థాయిలో మళ్లీ ఏప్రిల్ లో ఆదాయం వచ్చే అవకాశం ఉందంటోంది ఎక్సైజ్ శాఖ.