Delhi Saket Court: ఢిల్లీలోని సాకేత్ కోర్టు పరిసరాల్లో కాల్పులు జ‌రిగిన సంఘ‌ట‌న కలకలం రేపింది. న్యాయ‌వాది దుస్తుల్లో వచ్చిన దుండగులు.. కోర్టు ఆవరణలోనే కాల్పులకు పాల్ప‌డ్డారు. నాలుగు రౌండ్ల కాల్పులు జరిపి ఘటనా స్థలం నుంచి వెంటనే పరార‌య్యారు. ఈ కాల్పుల్లో ఓ మహిళతో పాటు లాయర్‌కు గాయాలు అయ్యాయి. వీరిద్దరిని వెంటనే సమీపంలోని ఆసుపత్రికి తరలించారు. కోర్టు ప్రాంగణంలోని అడ్వకేట్స్ బ్లాక్ వ‌ద్ద ఈ కాల్పుల ఘటన చోటుచేసుకుంది. firing-in–court-premises
కాగా ఓ మహిళను లక్ష్యంగా చేసుకుని దుండగులు కాల్పులు జరిపిన‌ట్లు తెలుస్తోంది. ఈ కాల్పులతో కోర్టు ప్రాంగణంలోని అడ్వకేట్లు, ప్రజలు ఉలిక్కిపాటుకు గురయ్యారు. ఏం జరుగుతుంతో తెలియక ఒక్కసారిగా భయాందోళనకు గురయ్యారు. కాల్పులతో కోర్టు ప్రాంగణంలో ఒక్కసారిగా కలకలం రేపింది. అక్కడున్నవారందరూ షాక్‌కు గురయ్యారు. సమాచారంతో పోలీసులు ఘటనా స్థలానికి చేరుకుని పరిశీలిస్తున్నారు.